• თბილისი
  • 9°C
  • 17 დეკემბერი, 2017
article

რა მოხდა შარტავაზე და რას მალავს შსს?

შარტავას ქუჩაზე დაჭრილი შს სამინისტროს მაღალჩინოსნის მდგომარეობა კრიტიკულად მძიმეა.

შინაგან საქმეთა სამინისტროს მომსახურების სააგენტოს თანამშრომელი გუშინ საკუთარი სახლის სადარბაზოს მეოთხე სართულზე უგონო მდგომარეობაში მეზობელმა იპოვა. 

ტაკიძეს ცეცხლსასროლი იარაღით აქვს ჭრილობა მიყენებული და რეანიმაციაში, აპარატზეა მიერთებული. 

მიუხედავად იმისა რომ ზურაბ ტაკიძის მეზობლები და ოჯახის წევრები თვითმკვლელობის მცდელობას გამორიცხავენ, შსს-მ მაინც 115 მუხლით დაიწყო გამოძიება. 

ოჯახის ახლობლების განცხადებით, აშკარაა რომ მისი მკვლელობა სცადეს...

თუმცა, შს სამინისტრო, რომელიც თავდაპირველად იმასაც კი არ ადასტურებდა რომ ზურაბ ტაკიძე პოლიციის მაღალჩინოსანია, თვლის რომ მან, თვითმკვლელობა არა სახლში, არამედ სადარბაზოში სცადა, გაურკვეველი მოტივით.