• თბილისი
  • 32°C
  • 19 აგვისტო, 2017
article

თბილისში ყველაზე ძვირადღირებულ სახლში ფართების 35% გაყიდულია

„აიდეკო“: მსგავსი შეთავაზება ბაზარზე არცერთ კომპანიას არ აქვს

Commerasnt.ge

თბილისის უძრავი ქონების ბაზარზე ყველაზე მაღალ ფასად მომხმარებელს ბინებს კომპანია „აიდეკო“ სთავაზობს პროექტში „სახლი ოპერასთან“. ფასების მხრივ მეორე ადგილზე ,,ბაგები სითია”. რეიტინგის მესამე ადგილის მფლობელი კი „აქსისია.“ყველაზე ძვირადღირებული სახლის მშენებელი კომპანია „აიდეკო” მომხმარებელს რემონტთან ერთად იტალიურ სამზარეულოსა და შვეიციულ ტექნიკას სთავაზობს, ბინების საშუალო ფასი კვადრატული მეტრზე 2300 დოლარს შეადგენს. ხოლო მაქსიმალური ღირებულება 3439 დოლარს უტოლდება.

როგორც commersant.ge–ს ,,აიდეკოს” მარკეტინგისა და გაყიდვების ხელმძღვანელმა ლიკა ქარდავამ განუცხადა, ბინების მყიდველები ძირითადად უცხოელები, ქათველი ემიგრანტები და ადგილობრივი საქმიანი ადამიანები არიან. ამ დროისთვის კომპლექსში ფართების 35% უკვე გაყიდულია. კორპუსში განთავსებულია იზოლირებული ოფისები, 140 ავტოფარეხის ადგილი, სავარჯიშო - რეკრეაციული ცენტრი მობინადრეთათვის და შიდა ეზოში კუთხე ბავშვებისთვის. სახლის 2-6 სართულები მთლიანად საცხოვრებელ ფართებს ეთმობა.

ქარდავას განცხადებით, მსგავს შეთავაზებას ამ ეტაპზე მომხმარებელს არცერთი კომპანია არ უკეთებს.

რეიტინგში მეორე ადგილზეა „ბაგები სითი ჯგუფი“, რომლის კვადრატული მეტრის მინიმალური ღირებულება 900 დოლარს, ხოლო მაქსიმალური 2000 დოლარს შეადგენს. კომპანიის გაყიდვების მენეჯერიის ნანა ხავთასის განცხადებით, ისინი მომხმარებელს ამ ფასის ბინებს „პარკ თაუერში“ სთავაზობენ.

„აქსისის“ გენერალური დირექტორის გიორგი კაპანაძის განცხადებით, „აქსისში,“ კერძოდ დიდუბის პროექტში ბინების მინიმალური ფასი 700 დოლარია. 1600 დოლად კი კომპანია მომხმარებელს „თეთრ კარკასს“ აბაშიძის ქუჩაძე სთავაზობს.