ევროპაში არსებული კრიზისის მიუხედავად მსოფლიო ბრენდ „ეიჩ ენდ ემის“ მოგებამ პროგნოზებს გადააჭარბა. შვედური ბრენდის ინფორმაციით, H&M–ის ახალი კოლექცია მომხმარებელმა კარგად მიიღო და მეორე კვარტალში კომპანიის მოგებამ 7,1 მილიარდი კრონა შეადგინა, თუმცა „როიტერის“ მიერ გამოკითხული ანალიტიკოსები მხოლოდ 6,6 მილიარდიან მოგებას პროგნოზირებდნენ.

როგორც H&M–ის ტოპ–მენეჯმენტში აცხადებენ, მიმდინარე წელი საერთო კრიზისის მიუხედავად კომპანიისთვის კარგად დაიწყო და ეს ტენდენცია გრძელდება. შეგახსენებთ: H&M–ი ევროპაში უმსხვილესი, ხოლო მსოფლიოში სიდიდით მეორე რითეილერია. ბრენდის პროდუქცია მსოფლიოს 40–ზე მეტ ქვეყანაშია წარმოდგენილი.