გაზეთ Financial-ის ინფორმაცია

ახალი პრეზიდენტი და დირექტორთა საბჭო პალატის ყოველწლიურ გენერალურ ასამბლეაზე აირჩიეს. შედეგად, ამერიკის სავაჭრო პალატის პრეზიდენტის თანამდებობას სარა უილიამსონი, კომპანია იუ-ჯი-თის წარმომადგენელი დაიკავებს. პირველი ვიცე–პრეზიდენტი მაიკლ ქაუგილი გახდა ქართულ ამერიკული უნივერსიტეტიდან, ხოლო ვიცე–პრეზიდენტისა და ხაზინადარის ადგილზე არჩეულ იქნა ირაკლი ბაიდაშვილი, ჯი-ემ-თი ჯგუფიდან. დეივიდ ლიმ, რომელიც 4 წლიანი ვადის გასვლის შემდეგ ამერიკის სავაჭრო პალატის პრეზიდენტის თანამდებობა დატოვა, საპატიო თავმჯდომარის ოფიციალური წოდება მიიღო.

“ამერიკის სავაჭრო პალატა უკვე მრავალი წელია მუშაობს ბიზნეს წრეებთან, ინვესტორებთან, აშშ საელჩოსთან და საქართველოს მთავრობასთან ძლიერი და ეფექტიანი ბიზნეს–გარემოს შექმნის მიზნით“ – განაცხადა ამერიკის სავაჭრო პალატის ახალმა პრეზიდენტმა.
მისი თქმით, მომდევნო ორი წელიწადი ძალიან მნიშვნელოვანი იქნება საქართველოს, როგორც ბიზნესი სა და ინვესტირებისათვის ხელსაყრელი ქვეყნის იმიჯის გასამყარებლად. „მე, როგორც ამერიკის სავაჭრო პალატის პრეზიდენტი, კიდევ უფრო გავაფართოებ ჩვენი 7 კომიტეტის მუშაობას, რომ მათ მეტი ზემოქმედება მოახდინონ სახელმწოფო პოლიტიკაზე, ჩვენი წევრების ინტერესების სასიკეთოდ. გარდა ამისა, მე დიდი სიამოვნებით ველი ამერიკის სავაჭრო პალატის თანამშრომლობის შემდგომ განვითარებას საქართველოს მთავრობასთან, კონსტრუქციული დიალოგის გაგრძელებასა და მათთან ერთად აქტიურ მუშაობას „ვარდების რევოლუციის“ შემდგომი რეფორმების გაგრძელების პროცესში“, – აღნიშნა სარა უილიამსონმა.

ამერიკის სავაჭრო პალატა, დაარსების დღიდან, აშშ-ს საელჩოსთან, საქართველოს მტავრობასტან და კერძო ორგანიზაციებტან პარტნიორობით, საქართველო-აშშ-ს სავაჭრო ურთიერთობების განვითარებაზე მუშაობს.