კავკასუს ონლაინი მნიშვნელოვნად ზრდის ინტერნეტის სიჩქარეს საქართველოში, რაც თვისობრად შეცვლის ინტერნეტის მოხმარების არსებულ კულტურას.

როგორც „ინტერნეტ.ჯი“-ს „კავკასუს ონლაინიდან“ აცნობეს, აღნიშნულ საკითხთან დაკავშირებით, დღეს, 12:30 საათზე სასტუმრო, „თბილისი მერიოტში“ პრესკონფერენცია გაიმართება, სადაც კავკასუს ონლაინი ინტერნეტ-ბაზარზე საუკეთესო შემოთავაზების შესახებ განაცხადებს.

ნებისმიერი პაკეტის მფლობელი მნიშვნლოვნად იუმჯობესებს ინტერნეტით სარგებლობის პირობებს. მინიმალური პაკეტის მფლობელიც კი ინტერნეტში სამუშაო ყველა ძირითად მოთხოვნას დაიკმაყოფილებს, რამდენადაც მინიმალური სიჩქარე 4 მეგაბიტამდე იზრდება, რასაც მოყვება 10მბ, 20მბ, 40მბ და 100 მბ სიჩქარის ინტერნეტი.

კავკასუს ონლაინის აღმასრულებელი დირექტორის, ლევან ხუნდაძის განცხადებით, მომხმარებლები იგივე ფასად გაცილებით მაღალი სიჩქარის ინტერნეტით ისარგებლებენ.

„კავკასუს ონლაინი საქართველოში ინტერნეტის ახალი სტანდარტების დამკვიდრებით მომხმარებლებს ინტერნეტით სარგებლობის ახალ შესაძლებლობებს აძლევს; ჩვენი მომხმარებლები იგივე ფასად გაცილებით მაღალი სიჩქარის ინტერნეტით ისარგებლებენ; ახალ მომხმარებლებსაც დიდი არჩევანი აქვთ; რაც მთავარია ეს ცვლილება არ არის დროებითი, კავკასუს ონლაინმა ქართულ ბაზარზე ინტერნეტის მოხმარების სრულიად ახალი კულტურა შემოიტანა; მომხმარებლებისათვის სწორედ ამ შეთავაზების ფორმირებას, შესაბამისად ინფრასტრუქტურის განვითარებას ემსახურებოდა ქალაქში მიმდინარე ტექნიკური სამუშაოებიც“,- განაცხადა ლევან ხუნდაძემ.

თვისობრივად ახალი პროდუქტის შეთავაზების გზით კავკასუს ონლაინი ბაზარზე ლიდერის პოზიციას ინარჩუნებს და თამაშის ახალ წესებს ამკვიდრებს.

internet.ge