წელს აჭარაში განხორციელებული ინვესტიციების მოცულობა 14 %-ით გაიზარდა. აჭარის ფინანსთა და ეკონომიკის სამინისტროს ინფორმაციით, 2012 წლის პირველ კვარტალში აჭარაში განხორციელებული ინვესტიციების მოცულობამ 42,5 მლნ დოლარი შეადგინა, რაც გასული წლის ანალოგიურ მაჩვენებლებთან 14 %-ით მეტია.

სტატისტიკური ინფორმაციის თანახმად, 2011 წლის პირველ კვარტალში რეგიონში 37,3 მლნ დოლარის ინვესტირება მოხდა. იანვარ-მარტში აჭარაში განხორციელებული ინვესტიციების 45 %, ადგილობრივ ინვესტიციებზე, ხოლო დარჩენილი 55 % უცხოელ ინვესტორებზე მოდის.

პირველ კვარტალში ეკონომიკის სხვადასხვა დარგში განხორციელებული ინვესტიციებიდან მშენებლობა და ტურიზმი ლიდერობს.სტატისტიკური ინფორმაციის მიხედვით, 2012 წლის იანვარ-მარტში აჭარაში მშენებლობის სექტორზე, რეგიონში განხორციელებული ინვესტიციების 21 %, ხოლო ტურიზმის სექტორზე 19 % ინვესტირება მოხდა.