ქალბატონების გარკვეულ ნაწილს არ აქვთ საშუალება თავი მოიწონონ ულამაზესი მკერდით. მათ მცირე ზომის ბიუსტთან შეგუება უწევთ. ამიტომ, მსოფლიოს ცნობილი დიზაინერები მათთვის უამრავ ტენდენციებს ქმნიან, რომლებიც საშუალებას იძლევიან ქალბატონებს აღნიშნული საკითხი სრულებით დაავიწყონ.

მიიღეთ ისეთი როგორიც არის...

მცირე ზომის მკერდის მქონე ქალბატონების განსაკუთრებული შეცდომა გახლავთ ის, რომ ისინი აღნიშნულ სიტუაციას ვერ ეგუებიან და გამუდმებით ცდილობენ ამ ვითარებას რაიმე მოუხერხონ. მსგავს სიტუაციაში ყოველთვის დაგეხმარებათ მოდური სტანდარტების შესაბამისი ტანისამოსი. აუცილებელია გახსოვდეთ, რომ დიზაინერები ტანისამოსის შექმნისას ყოველთვის ითვალისწინებენ იმ ფაქტს, რომ არცერთი მოდელი არ ფლობს დიდ მკერდს, ამიტომ სანერვიულო არაფერი გაქვთ. თუ დიდი მკერდის მქონე ქალბატონი მეტად ამოჭრილ მაისურს იცვამს, მაშინ იგი არასახარბიელოდ გამოიყურება. მცირე ზომის მკერდის მფლობელთათვის კი ეს პრობლემა არც კი განიხილება.

ხელები, მხრები, წელი, თეძოები...

ქალბატონები რომლებიც უკმაყოფილონი არიან საკუთარი მკერდის ზომით, უნდა ცდილობდნენ ყურადღება ხელებზე, მხრებზე, წელსა და თეძოებზე გადაიტანონ. მაისურები მრგვალი დეკოლტეთი და მოკლე ხელებით დაგეხმარებათ არასახარბიელო მდგომარეობის დაფარვაში. მსგავს შემთხვევაში აქცენტი არა მკერდზე, არამედ თქვენს ხელებზე კეთდება. ყველაფერთან ერთად განსაკუთრებული აქცენტი თქვენს წელსა და თეძოებზე გააკეთეთ. ამ შემთხვევაში დაგეხმარებათ საღამოს კაბები, მრგვალი დეკოლტეთი და წელზე ქამრით. მისი სიგრძე თავად განსაზღვრეთ, მაგრამ ეცადეთ თქვენმა ჩაცმულობამ გარშემომყოფებს თქვენი თავი არ მიავიწყოს და მათ მხოლოდ თქვენი სტილი არ შეაფასონ.