გერმანელ მსახიობს, დიანა კრუგერს ძალიან უყვარს საკუთარი სტილისა და ვიზუალური მონაცემების სხვადასხვა აქსესუარებით შევსება. სწორედ ამ თვისების გამო, იგი მუდამ კარგ ფორმაში ყოფნას ახერხებს. მისი გარდერობი მრავალი ჩანთისგან, ფეხსაცმლისგან და სხვადახვა აქსესუარებისგან შედგება. 35 წლის ვარსკვლავმა კი გადაწყვიტა ქალბატონებს აქსესუარების სწორად შერჩევასთან დაკავშირებით რამდენიმე რჩევა მისცეს.

მსახიობი უპირატესობას კლასიკურ ჩანტებს ანიჭებს: „მე საერთოდ არ მომწონს ეს თანამედროვე ჩანთები. მირჩევნია კლასიკური მოდელები გრძელი ხელებით. მიყვარს მხარზე გადაკიდებული ჩანთები“, - აღნიშნავს ვარსკვლავი. მსახიობი თვლის, რომ ნებისიერი ქლაბატონის გარდერობში მინიმუმ ერთი ძვირფასი ჩანთა მაინც უნდა იყოს: „შეარჩიეთ უნივერსალური აქსესუარი, რომელიც თქვენი ტანისამოსის დიდ ნაწილს შეეხამება“, - ამბობს მსახიობი.

წითელ ხალიჩაზე კრუგერი ყოველთვის ბრწყინავს საკუთარი ფეხსაცმლის საშუალებით. რაც შეეხება ყოველდღიურ ცხოვრებას, მსახიობი უპირატესობას დაბალქუსლიან ფეხსაცმელს ანიჭებს. „ეცადეთ ისეთი ფეხსაცმლის შერშევას, რომელშიც დისკომფორტს არ განიცდით. ეს ძალიან მნიშვნელოვანია“. იგი ურჩევს ქალბატონებს უარი არ თქვან ღია ფერებზე. მსგავსი ფერთა გამა განსაკუთრებით აქტუალური გაზაფხული-ზაფხულის სეზონებზე უნდა იყოს.

მსახიობი აღმერთებს საათებს. ყოველდღიურად მოსარგებად იგი უპირატესობას წვრილი, ტყავის ან სხვადასხვა მეტალის სარტყელის მქონე საათებს ანიჭებს. წითელ ხალიჩაზე კი ძვირფასი მეტალისგან შექმნილ საათს ირგებს, რომელიც აუცილებლად ძვირფასი ქვებით არის გაფორმებული.

დიანა კრუგერი კარლ ლაგერფელდის ძალიან კარგი მეგობარია. ეს უკანასკნელი კი მისთვის სხვადასხვა რჩევებს არ იშურებს: „ულამაზესი კაბაც კი სწორად შერჩეული აქსესუარებით უნდა იყოს გაფორმებული. თუ ასე არ მოიქცევით, მაშინ გარშემომყოფები შეამჩნევენ კაბას თქვენზე და არა თქვენ კაბაში გამოწყობილს“, - აღნიშნავს ვარსკვლავი.