ევროპელი ანალიტიკოსები აქტიურად განიხილავენ კომპანია Opel-ის ხელმძღვანელის მიერ თანამდებობის დატოვების საკითხს. ეს ფაქტი გასულ კვირას დაფიქსირდა. ბევრი მათგანი კი თვლის, რომ აღნიშნული ფაქტის გამო ცნობილმა კომპანიამ შესაძლოა არსებობაც კი შეწყვიტოს. 

კომპანია Opel-ის მფლობელი General Motors დაიღალა სასწაულის ლოდინით, რომელიც წესით აღნიშნული ბრენდის ხელმძღვანელს, კარლ-ფრიდრიხ შტრაკს უნდა მოეხდინა, ამიტომ იგი უფლებამოსილებისგან გაათავისუფლა. 

General Motors-ს სამი წლის წინ გაკოტრება ემუქრებოდა, მიუხედავად ამისა, შეძლო კრიზისის დაძლევა და ძველებურ ფორმაში ჩადგომა. კომპანია Opel-მა კი ვერ მოახერხა ამ ყოველივეს დაძლევა და დღემდე სერიოზული ეკონომიკური პრობლემები აქვს. 2011 წელს მისი წაგება 3.5 მილიარდ დოლარს შეადგენს. როგორც ჩანს, ევროპაში ოპელის მარკის ავტომობილები დიდი პოპულარობით აღარ სარგებლობენ. 

ახლა კი კომპანიას მხოლოდ ორი გამოსავალი აქვს, ან რიგითი გადაწყობა, ან არსებობაზე უარის თქმა. 

როგორც ექსპერტები იუწყებიან. ოპელის გადასარჩენად უკანასკნელ ზომებს მიმართავენ. კომპანია შესაძლოა გაიყიდოს, ან დაიხუროს მისი საწარმოები და ქარხნები. 

„აღარ შეიძლება იმ კომპანიის არსებობა, რომელიც სულს ღაფავს და არავითარი შემოსავალი აღარ შემოაქვს. მართალია ოპელი რამდენიმე წლის წინ დიდი პოპულარობით სარგებლობდა, მაგრამ დროა რეალობა ობიექტურად შევაფასოთ“, - აღნიშნავენ General Motors-ის წარმომადგენლები. 

ჯერეჯრობით უცნობია ავტოკონცერნი რა ზომებს მიმართავს. მართალია სასურველია სამუშაო ადგილების შენარჩუნება, მაგრამ არ შეიძლება იმ კომპანიის არსბობა, რომელსაც აღარავითარი სარგებელი აღარ მოაქვს.