ავტომობილი Ford Mondeo, რომელიც ლონდონის პოლიციამ ააფეთქა, არასწორად იყო პარკირებული ერთ-ერთი სახელმწიფო დაწესებულების წინ. სამართალდამცავებმა კი მიიჩნიეს, რომ  ამ ავტომობილში ასაფეთქებელი მოწყობილობა იყო დამონტაჟებული და სწორედ ამიტომ ააფეთქეს იგი.

მოგვიანებით კი გაირკვა, რომ ეს ავტომობილი უელსის სახელმწიფო უნივერსიტეტის სტუდენტის, ნიმა ჰუსეინ რაზის საკუთრება გახლდათ და იგი ლონდონში ერთი დღით, ღირსშესანიშნაობების დასათვალიერებლად იყო ჩასული.

სტუდენტმა პარლამენტის შენობიდან არცთუ ისე შორს, აღმოაჩინა, რომ მისი ავტომობილის მუხრუჭები კარგად არ მუშაობდა, ამიტომ მისი პარკირება გადაწყვიტა. მან ავტომობილი პარლამენტის შენობიდან რამდენიმე მეტრის მოცილებით დააყენა, ეს კი ადგილობრივ კანონებს ეწინააღმდეგება. სტუდენტმა შესაბამის სამსახურებს მიმართა დასახმარებლად და თავად ქალაქის ფეხით მოვლა გადაწყვიტა.

მან საქარე მინაზე ასეთი წარწერა მიაკრა: „ავტომობილი დაზიანებულია, ველოდები ევაკუატორს, ძალიან გთხოვთ არ დამაჯარიმოთ, დიდი მადლობა!“ ამ ავტომობილს კი ერთ-ერთმა რიგითმა გამვლელმა მიაქცია ყურადღება და პოლიციასაც სწორედ მან გამოუძახა.

ადგილზე მისულმა სამართალდამცავებმა კი აღნიშნული ტერიტორიიდან ხალხი გაიყვანეს და მიმდებარე ქუჩები გაათავისუფლეს. „ასაფეთქებელი ნივთიერების“ მწყობრიდან გამოსაყვანად კი კონტრაფეთქების ჩატარება გადაწყვიტეს.

შედეგად სტუდენტის ავტომობილი გაანადგურეს და არასწორი პარკირებისთვისაც ჯარიმაც გამოუწერეს.