ყველასათვის კარგად არის ცნობილი ის ფაქტი, რომ არსებობს ტანისამოსი და ტენდენციები, რომლებიც მოდიდან არასდროს არ გაგადიან. სწორედ ამ მახასიათებლებს მიეკუთხვნება „პატარა“ შავი კაბაც, რომელიც ნებისმიერი ქალბატონის გარდერობში უნდა არსებობდეს და რომელსაც შესწევს ძალა ნებისმიერი ადამიანის ყურადღება მიიპყროს. უბრალოდ აუცილებელია შესაბამისი აქსეუარების, ქსოვილისა და დეტალების შერჩევა-გათვალისწინება.

განსაკუთრებული ყურადღება ლამაზ, ორიგინალურ მკლავებზე...

2012 წლის პატარა შავი კაბა მათთვის, ვისაც ხელების მოშიშვლება სურთ, ასე უნდა გამოიყურებოდეს: საერთოდ მკლავების გარეშე, ასიმეტრიული მკლავით, სპორტული მაისურის მსგავსი მკლავებით. შავი კაბა მკალავების გარეშე ან ძალიან ვიწრო „სამაგრებით“ საშუალებას იძლევა ქალბატონის ხელი რაც შეიძლება თხელი წარმოჩინდეს. ხოლო მათთვის, ვისაც მხრების დაფარვა სურს, მხარზე ნაზად დაფენილი მკლავები შეუდარებელია მიმდინარე სეზონისთვის. ეცადეთ მაქსიმალურად ორიგინალური, სხვადასხვა ორნამენტების მქონე კაბაზე შეაჩეროთ არჩევანი.

პატარა შავი კაბა და ქალბატონის ფეხები...

რა თქმა უდნა ნებისმიერ ქალბატონს სურს შეუდარებელ, სწორ ფეხებს ფლობდეს, მაგრამ ძალიან ბევრს არ აქვს საშუალება თავი ამ მახასიათებლებით მოიწონოს. პატარა შავი კაბა კი იძლევა საშუალებას განსაკუთრებული აქცენტი გაამახვილოთ თქვენს დადებით მახასიათებლებზე, ამ შემთხვევაში კი ფეხებზე. რა თქმა უნდა კაბის სიგრძე მუხლს საკმაოდ მაღლა უნდა სწვდებოდეს, კარგი იქნება არჩევანს ქვემოთ კონუსისებურ ფორმაზე თუ შეაჩერებთ, რომელიც წელის არეში სარტყელით იქნება დავიწროვებული. რაც შეეხება მკერდს, თუ გსურთ აქცენტი თქვენს ფეხებზე გაკეთდეს, მაშინ ღრმა დეკოლტეს მქონე კაბას ნუ შეარჩევთ.

პატარა შავი კაბა და ქალბატონის მკერდი...

ამ შემთხვევაში არავითარი მნიშვნელობა არ აქვს ქალბატონის ფეხებს. თუ სუსტი სქესის წარმომადგენელს ფეხებთან დაკავშირებული ნაკლების დაფარვა სურს, მაშინ უპირატესობა ღრმა დეკოლტეს უნდა მიანიჭოს, ხოლო თუ მსგავსი პრობლემა არ არსებობს, მაშინ არჩევანი თავისუფალია. 2012 წელი მინიმალიზმის წელიწადია მოდის სამყაროში. ამიტომ უფრო დიდი ყურადრების მისაქცევად, გულსამაგრებზე შეაჩერეთ არჩევანი, რომლებიც დაამშვენებენ თქვენს მკერდს.

აქსესუარები...

არ ღირს პატარა შავ კაბასთან ერთად დიდი აქსესუარების მორგება. გახსოვდეთ, მსგავსი კაბა თავისთავად უნიკალურია და იგი ბევრს არაფერს ითხოვს. უბრალოდ მოირგეთ მაღალქუსლიანი ფეხსაცმელი, გულსაბნევი, რაც შეიძლება პატარა ზომის სამაჯური და ბეჭედი და ჩანთა ყოველგვარი ხელისა და გადასაკიდი სარტყელის გარეშე.