უკრაინელი სკოლის მოსწავლის ცხოვრებაში საინტერესო ფაქტი დაფიქსირდა. ეს ყოველივე კი მისმა გამბედაობამ გამოიწვია. გავრცელებული ინფორმაციის თანახმად, გოგონამ მეტსახელით „შიშველი კურსდამთავრებული“ ერთ-ერთი სამოდელო სააგენტოდან მიწვევა მიიღო.

შეგახსენებთ, რომ 17 წლის გოგონამ პოპულარობა ატესტატების გადაცემის ცერემონიის შემდეგ მოიპოვა. აღნიშნულ დღეს, გოგონა სკოლაში აბსოლუტურად გამჭვირვალე შავი კაბითა და კოლჰოტებით და წითელი ფეხსაცმელით მივიდა.

გოგონას გაბედულმა ნაბიჯმა დიდი კრიტიკა გამოიწვია. ამის გამო გოგონას სოციალური ქსელებიდან გაქრობა და ტელეფონის ნომრების შეცვლა მოუწია. საზოგადოებამ მას ნაბიჯი არ მოუწონა. მიუხედავად ამისა, მისი რისკი დაფასდა და იგი ერთ-ერთმა სამოდელო სააგენტომ შეამჩნია.

„ჩემი კაბა ძალიან ჰგავს Dolce&Gabbana-ს 2011 წლის კოლექციის ერთ-ერთ კაბას და შესაძლოა სამოდელო სააგენტოს ყურადღება ამანაც მიიპყრო. მიუხედავად ამისა, რისკი დამიფასდა და შევძლებ საკუთარი თავის რეალიზებას. მიხარია იმ კრიტიკის ქარცეცხლის დასასრული რომ მოახლოვდა, რომელიც ჩემმა ქმედებამ გამოიწვია“, - აღნიშნავს ნასტი ფორმენკო.

ჯერჯერობით უცნობია, როდის შეხვდებიან ერთმანეთს სამოდელო სააგენტოს წარმომადგენლები და გოგონა ერთმანეთს. არც ის არის ცნობილი თუ რომელი სააგენტო გამოთქვამს ინტერესს. სავარაუდოდ, ყოველივეს ნათელი უახლოეს მომავალში მოეფინება.