ზაფხულის ცხელ დღეებში, ქალბატონებს სურთ საკუთარი ფიგურა წარმოაჩინონ. სავსე ფიგურის მქონე ქალბატონები კი ხშირ შემთხვევაში ზედმეტი კალორიების გამო ულამაზეს ზაფხულის კაბებზე უარს ამბობენ. ეს ყოველივე არასწორი მიდგომა და შეხედულებაა. მსოფლიოში ცნობილი დიზაინერები, სავსე ფიგურის მქონე ქალბატონებს რამდენიმე რჩევას აძლევენ...

იპოვეთ თქვენთვის მისაღები მოდელი...

იდეალური კაბის ძიებისას, განსაკუთრებული დაკვირვება გმართებთ. უნდა განსაზღვროთ უბრალოდ სავსე თეძოები გაქვთ, თუ წელის გარშემო არსებული ზედმეტი კალორიები. პირველ შემთხვევაში შეგიძლიათ მოირგოთ ზაფხულის კაბა, რომელიც არავითარი ქამრით არ იქნება დაფიქსირებული წელის არეში, მეორე შემთხვევაში კი სასურველია სარტყელის მქონე ტანისამოსს თუ შეარჩევთ. ეცადეთ მკერდზე აქცენტის გასაკეთებლად რაც შეიძლება ღრმა დეკოლტეს მიანიჭოთ უპირატესობა.

იდეალური ორნამენტების შერჩევა...

სავსე ფიგურა საკმაოდ პრეტენზიულია. იმისათვის, რომ თქვენი სხეულის ნაკლებს განსაკუთრებით არ გაუსვათ ხაზი, სასურველია კაბაზე არსებული ორნამენტების სწორად შერჩევა. მსგავსი ფიგურის მქონე ქალბატონებისთვის შეუდარებელი ფერებია: იასამნისფერი, ღია ლურჯი და სალათისფერი. ასევე აღნიშნულ ფერებში გადაწყვეტილი სხვადასხვა ორნამენტებიც. უარი თქვით ჰორიზონტალურ ან ვერტიკალურ ხაზებსა და გეომეტრიულ ფორმებზეც.

შესაბამისი სიგრძის შერჩევა...

აღნიშნული კრიტერიუმი ყველაზე მნიშვნელოვანია თქვენი ფიგურის იდეალურად წარმოსაჩენად. ნებისმიერ შემთხვევაში კაბის სიგრძე მუხლს ზემოთ სულ მცირედით უნდა სწვდებოდეს. ხოლო თუ ქალბატონს ზედმეტად განვითარებული ფეხის კუნთები აქვს, მაშინ სასურველია თუ კაბის სიგრძე კოჭამდე იქნება. მსგავს სიტუაციაში საზოგადოების ყურადღების გადატანა თეძოებსა და დეკოლტეზე უნდა შეძლოთ.

აქსესუარები...

ნებისმიერი ქალბატონის მისწრაფებაა გამოიყურებოდეს უნიკალურად, აქსესუარები კი ამ სურვილის ახდენაში ეხმარება მათ. სავსე ფიგურა, სტანდარტულზე დიდ წონასა და გაბარიტებს გულისხმობს. ამიტომ სასურველია თუ უარს იტყვით ზედმეტად დიდ აქსესუარებზე. ამ შემთხვევაში ჩანთაც შედარებით მინიმალური ზომის უნდა იყოს. რაც შეეხება ფეხსაცმელს, სასურველია უპირატესობა საშუალო სიგრძის მქონე ქუსლს მიანიჭოთ.