[ეკა ბაქრაძე]
მრავალტანჯული “თბილსრესი” კიდევ ერთხელ მოექცა საზოგადოებისა და პოლიტიკოსების ყურადღების ცენტრში. ის კი არა, გარდაბანში საპროტესტო აქციაც კი იგეგმება და ვითარება თანდათან იძაბება.“ალიანსის საქართველოსთვის” ინფორმაციით, სააქციო საზოგადოება “თბილსრესი” ბეჟუაშვილების კომპანიამ შეიძინა. როგორც ალიანსის ერთ-ერთმა ლიდერმა სოზარ სუბარმა პრესკონფერენციაზე განაცხადა, “საქართველოს საერთაშორისო ენერგეტიკული კომპანია”, რომელმაც “თბილსრესის” ქონება 23 თებერვალს აუქციონის წესით იყიდა, სწორედ ბეჟუაშვილებს ეკუთვნით. “ეს პირველი შემთხვევა არ არის, როდესაც საქართველოში სახელმწიფო ქონება რამდენიმე სახელისუფლებო ელიტური პოლიტიკური კლანის გავლენის ქვეშ ექცევა. უბრალოდ, საზოგადოებას შევახსენებთ, რომ ეს ის “თბილსრესია”, რომლის მეშვეობითაც არაერთი სახელმწიფო მოხელის ჯიბე ამოივსო. “როგორც ასეთი გარიგების შემდეგ თითქმის ყოველთვის ხდება, ამჯერადაც შელახულია გაყიდულ საწარმოში დასაქმებული მუშა-მოსამსახურეების ინტერესები. 587 ადამიანი უმუშევარი დარჩა, მათ მიმართ შრომის კანონმდებლობა დაირღვა. “თანამშრომლების მიმართ სამთვიანი სახელფასო დავალიანება არსებობს, რომლის გასტუმრებასაც “საქართველოს საერთაშორიო ენერგეტიკული კომპანია”, თუ მის გენერალურ მდივანს დავუჯერებთ, ეტაპობრივად აპირებს. შევახსენებთ გაკოტრების მმართველ დავით ჩაჩხიანს, რომ ვალების დაფარვის პროცესი არავითარ შემთხვევაში არ უნდა გაიწელოს”, - განაცხადა სუბარმა. წესით და რიგით 9 მარტს “თბილსრესის” მუშა-მოსამსახურეები გარდაბანში, საწარმოს შენობასთან საპროტესტო აქციის გამართვას გეგმავენ. “აქცია ერთჯერადი არ იქნება და მანამდე გაგრძელდება, სანამ ამ ადამიანების უფლებები არ იქნება დაცული. “ალიანსი საქართველოსთვის” მათი ინტერესების დასაცავად ყველა კანონიერი გზით იბრძოლებს”, - განმარტა სუბარმა. სუბარის დანაქდნებისა შეეშინდათ თუ უფრო მოსალოდნელი აქციისა, “საქართველოს საერთაშორისო ენერგეტიკული კორპორაცია” მსწრაფლ გამოეხმაურა ბრალდებებს. როგორც “თბილსრესის” ახალი მფლობელი კომპანიის ხელმძღვანელობა ამტკიცებს თანამშრომლების დავალიანებას, მიუხედავად იმისა, რომ ამის ვალდებულება არ აქვს, უახლოეს პერიოდში დაფარავენ. “თბილსრესის” შეძენისას სახელფასო დავალიანების დაფარვის ვადლებულება ჩვენს კომპანიას არ აუღია. მიუხედავად ამისა, ჩვენ არსებულ სამთვიან დავალიანებას დავფარავთ”, - აღნიშნაკორპორაციის გენერალურმა დირექტორმა, ნათია თურნავამ, რომელმაც ოპოზციისა გამო ვერა და ვერ შეირგო ქალთა ე.წ. დღესასწაულად შერაცხული 8 მარტი. თურნავა არ ადასტურებს, “თბილსრესის” შეძენის შემდეგ 587 თანამშრომლის გათავისუფლებას. “ჩვენ შევიძინეთ აქტივები, შესაბამისად, შრომითი ვალდებულებები არ მოგვყოლია. საწარმოში კადრების ოპოტიმიზაცია ცხადია, მოხდა, რადგან კადრები გაბერილი იყო. ძველი თანამშრომლებიდან, დაახლოებით, 150 კაცს, პროფესიონალებს ჩვენ ისევ ავიყვანთ სამსახურში”, - აღნიშნა თურნავამ. საწარმოს თანამშრომლები, თურნავას ინფორმაციით, “თბილსრესის” გაკოტრების მმართველმა, დავით ჩაჩხიანმა გაათავისუფლა. სხვათა შორის, “საქართველოს საერთაშორისო ენერგეტიკული კორპორაციამ” ცოტა კი უნდა შეიწუხოს თავი “თბილსრესის” პრობლემების მოგვარებით, რადგან ასეული მლიონის ქონება ჩალის ფასად ჩაუვარდა ხელში. საქმე ისაა, რომ “თბილსრესის” გასაყიდად გამიზნული ქონება იმთავითვე ძვირად 322 მლნ დოლარად შეფასდა, მაგრამ რასაკვირველია მყიდველი არ გამოუჩნდა. პირველი წარმუმატებელი აქციონის შემდეგ მისი ფასი განახევრდა, მაგრამ ვერც ამით მიიზიდა მყიდველი. შემდეგ და შემდეგ კიდევ დაიკლო მისმა ფასმა და ბოლოს რამდენიმე დღის წინ, 7 მილიონ დოლარად ბეჟუაშვილების ლუკმა გახდა. |
.jpg)
