• თბილისი
  • 20°C
  • 16 ოქტომბერი, 2018
article

მე-18 საუკუნის გალავანზე ჩატარებული სამუშაოების გამო, სიღნაღის მერია 15 000 ლარით დაჯარიმდა

სიღნაღში, მე-18 საუკუნის გალავანზე ჩატარებული სამუშაოების გამო, სიღნაღის მერია 15 000 ლარით დაჯარიმდა.

კულტურული მემკვიდერეობის დაცვის ეროვნული სააგენტოს ინფორმაციით, სიღნაღის მერიის მხრიდან გამოიკვეთა კანონმდებლობის უხეში დარღვევა, რეაბილიტაციის პროექტი არ ყოფილა სააგენტოსთან შეთანხმებული და ეროვნული მნიშვნელობის კატეგორიის ძეგლზე თვითნებურად განხორციელდა შელესვისა და შეღებვის სამუშაოები, რის გამოც მერია 15 000 ლარით დაჯარიმდება.

კულტურული მემკვიდრეობის დაცვის სააგენტოში არ გამორიცხავენ პროექტის მწარმოებელი სამშენებლო კომპანიის დაჯარიმებასაც.

სიღნაღის მერიაში აცხადებენ, რომ პროექტი ითვალისწინებდა დენდროლოგიური პარკის რეაბილიტაციის ფარგლებში პარკის ტერიტორიაზე არსებული რკინის მესერის განახლებას და ქალაქის არქიტექტურასთან შესაბამისობით ინფრასტრუქტურის მოწესრიგებას.

პროექტის განხორციელება ტენდერში გამარჯვებულმა სამშენებლო კომპანია „ინსტალპლიუსმა“ ორი თვის წინ დაიწყო. პარკში შესასვლელი ბილიკი კულტურული მემკვიდრეობის ძეგლის სტატუსის მქონე გალავნის თაღის ქვეშ გადის, რომელზეც კიბის მიშენება გასული საუკუნის 60-იანი წლებიდან არსებობდა, რაც ძველ ფოტომასალაშიც ჩანს. ხელოსნებმა გუშინ თაღი და ბურჯი ღია ფერის საღებავით გადაღებეს, რის გამოც კულტურული მემკვიდრეობის დაცვის სააგენტოს მოთხოვნით, სიღნაღში სამუშაოები გაურკვეველი ვადით შეჩერდა.

თეგები :